Description
Komdu með okkur í vetrarferð af bestu gerð á Hvalfell í Hvalfirði! Um frábæra útsýnisferð er að ræða þar sem við munum horfa af toppnum yfir Hvalfjörðinn og nærliggjandi sveitir. Myndatækifærin eru fjölmörg í þessari ferð!
Gangan hefst og endar á bílastæðinu inn í botni Hvalfjarðar, sama bílastæði og þegar gengið er á Glym.
Gengið verður meðfram gilinu upp á topp Glyms þar sem við vöðum ána og höldum beint upp á Hvalfell. Brekkurnar eru brattar á fótinn og því verður ekki farið hratt yfir. Á leiðinni tökum við góð stopp, njótum útsýnis og borðum nesti.
Gangan er um 12km löng með um 850m hækkun. Hún mun taka okkur 6-7 klst og fer það alfarið eftir færð.
Í þessari göngu þurfa allir að vera með fjallabrodda (esjubrodda), jöklabrodda og ísexi. Útbúnaðinn er hægt að leigja í næstu útivistarverslun.
Nánari upplýsingar eru veittar með tölvupósti á netfanginu info@afstad.com eða í síma okkar 790 2800.
Innifalið:
-Leiðsögn
Verð : 8.900kr
Sendur er reikningur á þátttakendur og telst sæti frátekið þegar hann er greiddur.
Nánari upplýsingar um útbúnað, fyrirkomulag og dagskrá eru sendar með staðfestingarpósti.
Vertu í bandi – spurðu – komdu með!
